உலக நவீன நகரங்களில் ஒன்றாக புதுக்கோட்டை

-

 @அண்டனூர் சுரா

வால்டர் ஹாமில்டன் எனும் நில வரையியல் ஆங்கிலேய ஆய்வாளர் பிரிட்டிஷார் தன் ஆளுகையின்கீழ் வைத்திருந்த அனைத்து நாடுகளுக்கும் சென்று அந்நாட்டிலுள்ள நகரங்களையும் அந்நாட்டு மக்கள் வாழ்நிலைகளையும் பதிவு செய்து இரு பெரும் தொகுதிகளாக நூல் வெளியிட்டார். இந்நூல் 1815 ஆம் ஆண்டு முதல் பதிப்பாகவும் 1828 ஆம் ஆண்டு இரண்டாம் பதிப்பாகவும் வெளிவந்தது.





EAST – INDIA GAZETTEER

CONTANING PARTICULAT DESCRIPTIONS

OF THE EMPIRES, KINGDOM, PRICIPALITIES, PROVINCES, CITES, TOWNS, DISTRICTS, FORTRESSES, HARBOURS, RIVERS , LAKES & C, OF HINDOSTAN
AND THE ADJACENT COUNTRIES INDIA BEYONR THE GANGES AND THE EASTERN ARCHIPELAGO ; TOCFTHER WITH SKETCHES OF THE MANNERS, CUSTOMS, INSTITUTIONS, AGRICULTURE, COMMERCE, MANUFACTURES, REVENUES, POPULATIONS, CASTES, RELIGION, HISTORY, & C OF THEIR
VARIOUS INHABITANTS.




இந்நூல் கிழக்கிந்திய கம்பெனியின்கீழ் இந்துஸ்தான் பரப்பிற்குள் இயங்கிய பேரரசுகள், அரசுகள், மன்னர்கள், மாகாணங்கள், பெருநகரங்கள், நகரங்கள், மாவட்டங்கள், கோட்டைகள், துறைமுகங்கள், ஆறுகள், ஏரிகள், இந்நாட்டிற்குள் அருகிலுள்ள நாடுகள், தீவுக்கூட்டங்கள், குடிமக்கள், பழக்க வழக்கங்கள், நிறுவனங்கள், விவசாயம், வணிகம், உற்பத்திகள், வருவாய், மக்கட்தொகை, சாதிகள், மதங்கள், வரலாறு மற்றும் ஓவியங்கள் இவற்றை உள்ளடக்கியதாகும்.

சூரியன் மறையாத நாடு என்று பெருமை கொண்டிருந்த நாடு பிரிட்டிஷ். அந்நாட்டினரின்கீழ் ஆளுகைக்கொண்டிருந்த நகரங்களின் பதிவுகள் முக்கிய ஆவணமாக கருதப்பட்டது. இந்நூல் வில்லியம் பிராடி எனும் ஆங்கிலேயரிடம் இருந்தது. இவர் யாரென்றால் காலனித்துவ கால மெட்ராஸ் மாகாணத்தின் 11 ஆவது ஆளுநராக இருந்த ஜேம்ஸ் பிராடி என்பவரின் மகன் ஆவார்.

இந்த அரியவகை நூல் 1960 – 70 ஆண்டின் இடைப்பட்ட காலத்தில் பிராடி நூலகத்திலிருந்து ஏலம் விடப்பட்டது. இந்நூலை பிராடியின் வாரிசான ஸ்டான் பேஜேட்டிடமிருந்து ஜெஃப்ரி பேட்ஸ் என்பவர் வாங்கினார்.

உலகில் எந்தெந்த நகரங்களெல்லாம் பிரிட்டிஷாரின் ஆட்சியின் கீழிருந்ததோ அவ்வளவு நகரங்களும் இந்நூலில் பதிவு செய்யப்பட்டுள்ளது.

இந்நூலின் இரண்டாவது தொகுதியில் புதுக்கோட்டை நகரம் குறித்த பதிவு இடம் பெற்றுள்ளது. இக்குறிப்பின் இறுதியில் புதுக்கோட்டையின் முதல் ஆங்கிலேயர்களால் நியமிக்கப்பட்ட முதல் அதிகாரியான ப்ளாக்பர்ன் பெயரும் ஃபுல்லார்டன் என்கிறவர் பெயரும் அடைப்பில் கொடுக்கப்பட்டுள்ளது.

இன்றைய இந்நிலையிலான புதுக்கோட்டை சேஷையா சாஸ்திரி திவானாக இருந்த  ஆட்சிக்காலத்தில் விரிவாக்கம் செய்து நகரமைப்பு செய்யப்பட்டதாகும். இந்த விரிவாக்கத்திற்கும் முந்தைய புதுக்கோட்டை எப்படியாக இருந்தது என்று சொல்லும் அபூர்வ வரலாற்று பதிவு இது.

புதுக்கோட்டை குறித்து இந்நூல் இவ்வாறு குறிப்பிட்டுள்ளது. புதுக்கோட்டை தொண்டைமான்களின் அரண்மனை ஒழுங்கற்ற தனித்தனி கட்டடங்களைக் கொண்டிருந்தது. அரண்மனைக்குள் அழகான குளம், கோவில்கள் இருந்தது. அரண்மனையைச் சுற்றிலும் பெரும் காடுகள், காட்டுக்குள் காட்டுமிருகங்கள் வாழ்ந்தன

புதுக்கோட்டை நகரம் நவீன நகரமாகவும் அழகான, சுத்தமான நகரமாகும். நகரத்தின் வீதிகள் சரியான கோணங்களில் சந்திக்கிறது. புதுக்கோட்டை நகரத்திலிருந்து ஒன்றரை மெல் தொலைவில் ஆங்கிலப் பாணியைப் பின்பற்றி கட்டப்பட்ட சொகுசு விடுதி இருக்கிறது. ஐரோப்பிய பயணிகள் புதுக்கோட்டை வந்தால் அந்த விடுதியில் தங்குவார்கள்…ஆகிய விபரத்தை இந்நூல் கொண்டுள்ளது.

இந்நூலின் பதிவை அப்படியே தருகிறேன்.


PUDUCOTTA

A town in the Carnatic province, the capital of Tondiman`s country, about thirty – four miles travelling  distance from the fort of Trichinopoly; lat.10^O 18’N., lon.78^58’ E. Tondiman’s palace here consists of an irregular congregation of detached edifices, with a fine tank and handsome Hindoo temple, all within the same enclosure. Chevamundaporum, a place in the in the woods, about  three miles distant from puducotta, was formerly the royal residence; but it has long gone to ruin, and is now only frequented by wild beasts.

The modern town of puducotta is remarkable for its wide, regular, and clean streets, intersecting each other at right angles. The houses are of moderate dimensions, generally  stuccoed, whitened, and tiled, and a few of the most respectable with terraced roofs. A thick jungle encompasses the town on all sides for the depth of a mile, and is its only defence, it being without fortifications, not even a mud wall, which sufficiently proves  its erection having taken place subsequent to the establishment of the British authority. About a mile and half to the south – west of his capital, Tondiman has an excellent house, build and furnished after the English fashion, where every respectable European traveller  is sure of meeting with a hospitable reception. This town is still erroneously placed in the best maps .( Fullaton, Blackburne,&c.)










 

 

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

புதுக்கோட்டையின் முதல் வங்கி @ அண்டனூர் சுரா

-
படம்
புதுக்கோட்டை கீழராஜ வீதியில் புதுக்கோட்டை கூட்டுறவு நகர வங்கி எனும் பெயரில் ஒரு வங்கி இயங்குகிறது. இந்த வங்கி நகர வங்கி (TOWN BANK)எனும் பெயரால் தொடங்கப்பட்டது.  இந்த வங்கியே புதுக்கோட்டையின் முதல் வங்கியாகும் . பிரிட்டிஷ் இந்திய சட்டம் -10/1904 இன்படி முக்கிய நகரங்களில் கூட்டுறவு வங்கி தொடங்க அனுமதியளித்தது.  இச்சட்டத்தை ஏற்று புதுக்கோட்டை சமஸ்தானம்  1908 ஆம் ஆண்டு கூட்டுறவு சங்கம் அமைத்தது. இதன்படி முதல் கூட்டுறவு சங்கம்  கரம்பக்குடியில் தொடங்கப்பட்டது. அடுத்து 1909 ஆம் ஆண்டு ஆலங்குடியிலும் அதே ஆண்டு புதுக்கோட்டை நகரில் பிரகதம்பாள் பெயரில் ஒரு கூட்டுறவு சங்கமும் தொடங்கப்பட்டன .  இந்த சங்கங்களின் வரவு செலவுக்காக தொடங்கப்பட்ட  வங்கி இது, நகர வங்கி (TOWN BANK). மே, 1910 ஆம் ஆண்டு தொடங்கப்பட்ட இந்த வங்கி 1921 ஆம் ஆண்டு வரை வாடகை கட்டடத்தில் இயங்கியது. பிறகு கிழக்கு இரண்டாம் வீதியில் சொந்த கட்டடத்திற்கு மாறியது . 1925 ஆம் ஆண்டு கீழ ராஜ வீதிக்கு அதாவது நேர் முன்புறம் மாற்றப்பட்டது. இந்த வங்கி தற்போது மிக நீளமான கட்டடத்தைக் கொண்டிருக்கிறது. கீழராஜ வீதியிலிருந்...
மேலும் படிக்கவும்

புதுக்கோட்டை பேருந்து நிலையம் @ அண்டனூர் சுரா

-
படம்
  தமிழ்நாட்டிலுள்ள பேருந்து நிலையங்களில் நன்கு திட்டமிடப்பட்ட  பேருந்து நிலையமாக புதுக்கோட்டை பேருந்து நிலையம் திகழ்கிறது. காரணம் இந்த நிலையம் 'ப' வடிவிலும் பேருந்துகள் நெரிசலில்லாமல் எளிதாக உள்ளே நுழைந்து வெளியேறும்படியாகவும் உள்ளது. புதுக்கோட்டை நகராட்சிக்கென்று ஒரு பரந்த பேருந்து நிலையம் இல்லாத நிலை  இருந்தது. பழைய பஸ் ஸ்டாண்ட் என்று சொல்லப்படுகின்ற பழைய பேருந்து நிலையம் பேருந்து நிறுத்தம் (bus stop) என்கிற அளவிலேயே இருந்தது. மதுரை, சிவகங்கை, அறந்தாங்கி பேருந்துகள் வந்து திரும்ப அந்த நிறுத்தம் உகந்த இடமாகவும் திருச்சி, தஞ்சாவூர், மணப்பாறை பேருந்துகள் நகர வீதிகள் வழியே நுழைந்து அந்த இடத்திற்கு வந்தாக வேண்டிய நிலையும் இருந்தது. இதனால் போக்குவரத்து நெரிசல் ஏற்பட்டது. ஆகவே வேறொரு இடத்தில் விசாலமான பேருந்து நிலையம் அமைக்க திட்டமிடப்பட்டது. அதற்கான இடம் தேடுகையில் நகரத்திற்கு தென்மேற்கில் பரந்த நீர்நிலையைக் கொண்ட காட்டுப்புதுக்குளம் உகந்த இடமாக தேர்வு செய்யப்பட்டது.  மழைக்காலத்தில் பெரும் தெப்பமாகவும் கோடை காலத்தில் கால்நடைகளின் மேய்ச்சல் காடாகவும் இந்த இடம் இருந்தது....
மேலும் படிக்கவும்

டி.இ.எல்.சி (TELC)

-
படம்
புதுக்கோட்டை நகரவாசிகள் மட்டுமல்ல,  நகரத்தைச் சுற்றியுள்ள பலரும் எதோ ஒருவகையில் டிஇஎல்சி உடன் நெருக்கம் கொண்டிருக்கிறார்கள். இருபது வருடங்களுக்கு முன்பு கந்தர்வகோட்டை, கரம்பக்குடி, இலுப்பூர், கீரனூர் பகுதியைச் சேர்ந்த மாணவர்கள் புதுக்கோட்டை பள்ளியில் படிக்க விரும்பினால் அவர்களது முதல் தேர்வு டி இ எல் சி பள்ளியாகவே இருக்கும்.   டிஇஎல்சி என்பது என்ன? தமிழ் எவாஞ்சலிகல் லுத்தரன் சர்ச் என்பதன் சுருக்கமே டி.இ.எல்.சி. தற்போது இது 'தமிழ் சுவிசேஷ லுத்தரன் திருச்சபை' என்று அழைக்கப்படுகிறது. லுத்தரன் என்பது என்ன? கிறிஸ்தவ மதத்தில் மூடநம்பிக்கைகளும் பிற்போக்கான பரப்புரைகளும் அதிகமானதால் பதினாறாம் நூற்றாண்டில் மார்டின் லுதர் கிறித்தவ மதத்திற்குள் சீர்த்திருத்தத்தை புகுத்தினார். அவரது பரப்பரைக்கு ஆதரவு பெருகியது. அதேநேரம் கிறிஸ்தவ பழைமைவாதிகள் மார்டின் லுதரைப் பின்பற்றுபவர்களை லுத்தரன் என்று கேலி பெயரால் அழைத்தார்கள். அச்சொல்லைக்கொண்டு உருவான கிறிஸ்தவ மதத்தின் ஒரு பிரிவே எவாஞ்சலிகல் லுத்தரன். எவாஞ்சலிகல் என்கிற சொல் சுவிசேஷ என்றானது.  இதன் தமிழ்ப்பதம் நற்செய்தி! தரங்கம்பாடியில் அச்...
மேலும் படிக்கவும்