சந்தைக்கு வரும் மாடுகளை வரவேற்க ஒரு வாயில் @அண்டனூர் சுரா

-

 புதுக்கோட்டை நகரம் நேரான வீதிகளை மட்டும் கொண்டதல்ல, சந்தைக்கும் பெயர்போன ஊர்.  சந்தையோடு தொடர்புடைய இரண்டு பேட்டைகள் புதுக்கோட்டையில் உண்டு. ஒன்று வண்டிப்பேட்டை, மற்றொன்று சந்தைப்பேட்டை. வண்டிப்பேட்டை மச்சுவாடியிலும் சந்தைப்பேட்டை நகரத்திற்கு மேற்கிலும் உள்ளன.


சந்தைபேட்டையில்தான் மன்னராட்சி காலம் முதல் இன்று வரை  மாட்டுச்சந்தை நடைபெற்று வருகிறது.  புதுக்கோட்டைக்கும் அருகிலுள்ள திருச்சிராப்பள்ளியில் இரண்டு மாட்டுச் சந்தைகள் நடந்திருக்கின்றன. ஒன்று கிழட்டு மாட்டுச் சந்தை, மற்றொன்று உழவு மாட்டுச் சந்தை. இவ்விரு சந்தைகளும் தீண்டாமையின் வடிவங்கள். சாதியின் பெயரால் ஒடுக்குமுறைக்கு உள்ளான மக்கள் தான் வளர்க்கும் மாடுகளை கிழட்டு மாட்டுச் சந்தையில்தான் விற்கவும் வாங்கவும் முடியும் என்கிற நிலை இருந்தது. இந்த இரண்டு மாட்டுச் சந்தைகள் தமிழ்நாடு சட்டப்பேரவையில் விவாதப் பொருளாகி கலைஞர் மு. கருணாநிதி அவர்கள் முதலமைச்சராக இருந்த காலத்தில்  இரண்டு பாகுபாட்டுச் சந்தைகள் ஒழிக்கப்பட்டு ஒரே சந்தையானது. இந்த விவாதம் கலைஞர் சட்டப் பேரவை உரையில் இடம்பெற்றுள்ளது. இப்படி திருச்சியில் இருவேறு மாட்டுச் சந்தைகள் நடைபெற்று வந்த காலத்தில் மாட்டின் பெயரால்  பாகுபாடு காட்டாமல் ஒரே மாட்டுச் சந்தையாக இயங்கிய பெருமை புதுக்கோட்டை மாட்டுச் சந்தைக்கு உண்டு. மாட்டுச் சந்தை நடைபெறும் இடம் அன்றும் இன்றும் சந்தைப்பேட்டை என்கிற பெயரால் அழைக்கப்பட்டு வருகிறது.

புதுக்கோட்டை சமஸ்தான கால சந்தையின்போது சந்தைக்கு வரும் மாடுகள் தண்ணீரில்லாமல் தவித்து மயக்கமுற்று விழுந்து இறந்திருக்கின்றன.  இந்த உயிரிழப்பைத் தவிர்க்க முடியாமல் அன்றைய மக்கள் கையறு நிலையில் இருந்திருக்கிறார்கள். இந்நிலையில் திருமயம் ராமச்சந்திரபுரம் தி.நா.நாச்சியப்ப செட்டியார் அவர்கள்  மாடுகளின் தாகத்தைத் தணிக்க முன்வந்தார்.  சந்தைக்கும் வெளியே பெரிய ஒரு  மாட்டுத் தொட்டிக் கட்டி, அதில் தண்ணீர் நிரப்பி தர்மம் என்கிற பெயரால்  மாடுகளின் தாகத்தைப் போக்கினார். இத்தொட்டியை 1912 ஆம் ஆண்டு கட்டியவர் அத்தொட்டிக்கும் அருகில் அழகான வேலைபாடுகள் கொண்ட ஒரு நுழைவு வாயிலை எழுப்பினார்.  இந்த வாயில் இன்றும் கம்பீரம் குறையாமல் நல்ல வேலைபாடுகள் கொண்ட கட்டடக் கலை அம்சத்துடன் நின்றுகொண்டிருக்கிறது.

இத்தொட்டிக்கான தண்ணீர் அருகிலுள்ள அக்சா குளத்திலிருந்து கொண்டுவந்து சேர்க்கப்பட்டிருக்கிறது. மாடுகளுக்காக கட்டியத் தொட்டி இன்று இல்லை. அந்தத் தொட்டிக்கும் அருகில் எழுப்பப்பட்ட வாயில்  பழைய கம்பீரத்துடன்  நின்றுகொண்டிருக்கிறது. அதேநேரம் வாயில் பராமரிப்பின்றி  சுற்றிலும் புதர்கள் மண்டிபோய்  காட்சியளிக்கிறது.

புதுக்கோட்டை மாநகராட்சி நிர்வாகம் சந்தைக்கு வரும் மாடுகளுக்குத் தண்ணீர்த்தொட்டி அமைத்து அதன் தாகத்தைத் தணிக்க முன்வரலாம். மேலும்  வாயிலைச் சுற்றிலுமிருக்கும் புதர்களை அப்புறப்படுத்தி புதுக்கோட்டையின் அடையாளமாக இருக்கும் இந்த வாயிலைப் பாதுகாக்கலாம். கோவிலுக்கு வரும் பக்தர்களை வரவேற்க எத்தனையோ நுழைவு வாயில்கள் உள்ளன. மன்னர்களை வரவேற்றும், ஆட்சியாளர்களின் நூற்றாண்டுகளை கொண்டாடும் பொருட்டும் வாயில்கள் உள்ளன. மாடுகளை வரவேற்க ஒரு வாயில் புதுக்கோட்டையில்தான்!

இப்பதிவின் சுருக்கமான பிரசுரம் தி இந்து தமிழ் திசை (09.11.2024)





















புதுக்கோட்டை: பன்றி நாடு முதல் புதுகை வரை 
வேண்டுவோர் தொடர்பு கொள்க 9585657108

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

புதுக்கோட்டையின் முதல் வங்கி @ அண்டனூர் சுரா

-
படம்
புதுக்கோட்டை கீழராஜ வீதியில் புதுக்கோட்டை கூட்டுறவு நகர வங்கி எனும் பெயரில் ஒரு வங்கி இயங்குகிறது. இந்த வங்கி நகர வங்கி (TOWN BANK)எனும் பெயரால் தொடங்கப்பட்டது.  இந்த வங்கியே புதுக்கோட்டையின் முதல் வங்கியாகும் . பிரிட்டிஷ் இந்திய சட்டம் -10/1904 இன்படி முக்கிய நகரங்களில் கூட்டுறவு வங்கி தொடங்க அனுமதியளித்தது.  இச்சட்டத்தை ஏற்று புதுக்கோட்டை சமஸ்தானம்  1908 ஆம் ஆண்டு கூட்டுறவு சங்கம் அமைத்தது. இதன்படி முதல் கூட்டுறவு சங்கம்  கரம்பக்குடியில் தொடங்கப்பட்டது. அடுத்து 1909 ஆம் ஆண்டு ஆலங்குடியிலும் அதே ஆண்டு புதுக்கோட்டை நகரில் பிரகதம்பாள் பெயரில் ஒரு கூட்டுறவு சங்கமும் தொடங்கப்பட்டன .  இந்த சங்கங்களின் வரவு செலவுக்காக தொடங்கப்பட்ட  வங்கி இது, நகர வங்கி (TOWN BANK). மே, 1910 ஆம் ஆண்டு தொடங்கப்பட்ட இந்த வங்கி 1921 ஆம் ஆண்டு வரை வாடகை கட்டடத்தில் இயங்கியது. பிறகு கிழக்கு இரண்டாம் வீதியில் சொந்த கட்டடத்திற்கு மாறியது . 1925 ஆம் ஆண்டு கீழ ராஜ வீதிக்கு அதாவது நேர் முன்புறம் மாற்றப்பட்டது. இந்த வங்கி தற்போது மிக நீளமான கட்டடத்தைக் கொண்டிருக்கிறது. கீழராஜ வீதியிலிருந்...
மேலும் படிக்கவும்

புதுக்கோட்டை பேருந்து நிலையம் @ அண்டனூர் சுரா

-
படம்
  தமிழ்நாட்டிலுள்ள பேருந்து நிலையங்களில் நன்கு திட்டமிடப்பட்ட  பேருந்து நிலையமாக புதுக்கோட்டை பேருந்து நிலையம் திகழ்கிறது. காரணம் இந்த நிலையம் 'ப' வடிவிலும் பேருந்துகள் நெரிசலில்லாமல் எளிதாக உள்ளே நுழைந்து வெளியேறும்படியாகவும் உள்ளது. புதுக்கோட்டை நகராட்சிக்கென்று ஒரு பரந்த பேருந்து நிலையம் இல்லாத நிலை  இருந்தது. பழைய பஸ் ஸ்டாண்ட் என்று சொல்லப்படுகின்ற பழைய பேருந்து நிலையம் பேருந்து நிறுத்தம் (bus stop) என்கிற அளவிலேயே இருந்தது. மதுரை, சிவகங்கை, அறந்தாங்கி பேருந்துகள் வந்து திரும்ப அந்த நிறுத்தம் உகந்த இடமாகவும் திருச்சி, தஞ்சாவூர், மணப்பாறை பேருந்துகள் நகர வீதிகள் வழியே நுழைந்து அந்த இடத்திற்கு வந்தாக வேண்டிய நிலையும் இருந்தது. இதனால் போக்குவரத்து நெரிசல் ஏற்பட்டது. ஆகவே வேறொரு இடத்தில் விசாலமான பேருந்து நிலையம் அமைக்க திட்டமிடப்பட்டது. அதற்கான இடம் தேடுகையில் நகரத்திற்கு தென்மேற்கில் பரந்த நீர்நிலையைக் கொண்ட காட்டுப்புதுக்குளம் உகந்த இடமாக தேர்வு செய்யப்பட்டது.  மழைக்காலத்தில் பெரும் தெப்பமாகவும் கோடை காலத்தில் கால்நடைகளின் மேய்ச்சல் காடாகவும் இந்த இடம் இருந்தது....
மேலும் படிக்கவும்

டி.இ.எல்.சி (TELC)

-
படம்
புதுக்கோட்டை நகரவாசிகள் மட்டுமல்ல,  நகரத்தைச் சுற்றியுள்ள பலரும் எதோ ஒருவகையில் டிஇஎல்சி உடன் நெருக்கம் கொண்டிருக்கிறார்கள். இருபது வருடங்களுக்கு முன்பு கந்தர்வகோட்டை, கரம்பக்குடி, இலுப்பூர், கீரனூர் பகுதியைச் சேர்ந்த மாணவர்கள் புதுக்கோட்டை பள்ளியில் படிக்க விரும்பினால் அவர்களது முதல் தேர்வு டி இ எல் சி பள்ளியாகவே இருக்கும்.   டிஇஎல்சி என்பது என்ன? தமிழ் எவாஞ்சலிகல் லுத்தரன் சர்ச் என்பதன் சுருக்கமே டி.இ.எல்.சி. தற்போது இது 'தமிழ் சுவிசேஷ லுத்தரன் திருச்சபை' என்று அழைக்கப்படுகிறது. லுத்தரன் என்பது என்ன? கிறிஸ்தவ மதத்தில் மூடநம்பிக்கைகளும் பிற்போக்கான பரப்புரைகளும் அதிகமானதால் பதினாறாம் நூற்றாண்டில் மார்டின் லுதர் கிறித்தவ மதத்திற்குள் சீர்த்திருத்தத்தை புகுத்தினார். அவரது பரப்பரைக்கு ஆதரவு பெருகியது. அதேநேரம் கிறிஸ்தவ பழைமைவாதிகள் மார்டின் லுதரைப் பின்பற்றுபவர்களை லுத்தரன் என்று கேலி பெயரால் அழைத்தார்கள். அச்சொல்லைக்கொண்டு உருவான கிறிஸ்தவ மதத்தின் ஒரு பிரிவே எவாஞ்சலிகல் லுத்தரன். எவாஞ்சலிகல் என்கிற சொல் சுவிசேஷ என்றானது.  இதன் தமிழ்ப்பதம் நற்செய்தி! தரங்கம்பாடியில் அச்...
மேலும் படிக்கவும்