அக்காச்சியா குளமும் அக்காச்சிப்பட்டியும்

-

@ அண்டனூர் சுரா

புதுக்கோட்டை சந்தைப்பேட்டை மாட்டுச் சந்தைக்கும் வடக்குப் புறமாக உள்ள குளம் அக்சா குளம் என்கிற பெயரைத் தாங்கி இருக்கிறது. இது குளம் அல்ல, ஓடை. தற்போது குளமாக சுருங்கிப் போயிருக்கிறது. அதாவது அடப்பன் குளத்திற்கும் நேர் தெற்கில் இக்குளம் இருக்கிறது.


ஒரு காலத்தில் இக்குளத்தைச் சுற்றிலும் வயற்காடுகள் இருந்திருக்கின்றன. இந்த வயல்களைத் தூர்த்து தெருக்களும் குடியிருப்புகளும் வந்துவிட்டன. ஆகவே இத்தெரு அக்சா வயல் முதல் தெரு, இரண்டாம் தெரு என்கிற பெயரால் அழைக்கப்படுகிறது.

இவ்வயற்காட்டுக்குப் பாசன நீர் தந்த குளம் தற்போது  நீர்த்தாமரை,  அல்லி, நாணல், பாசி, கருவைக்காடுகள் மண்டிப்போய் மக்கள் பயன்பாடற்று காட்சியளிக்கிறது.  இக்குளத்தின் கரையில் சமீபகால பிள்ளையார் இருக்கிறது.

அது என்னதாம் அக்சா குளம் என்று விசாரிக்கையில் அது அக்சா குளம் அல்ல, அக்காச்சியா குளம் என்று தெரியவந்தது.


புதுக்கோட்டை மன்னர்கள் விஜயநகர அரசின் தொடச்சிகள்.  இவர்கள் தெலுங்கு பேசுபவர்கள். இவர்கள் மாமாவை பாவா என்று அழைப்பார்கள்.  அக்காவை அக்காச்சியா என்றும் அக்கம்மா என்றும் அழைத்தவர்கள்.


அக்காச்சியா பெயரில் வேளாண்மைக்குப் பயன்பட்ட ஊருணி சுருங்கி குளமானதைப் போல அக்காச்சியா என்கிற பெயர் சுருங்கி அக்சா என்றாகிவிட்டது. 

அக்கச்சிப்பட்டி எனும் பெயரில் கந்தர்வகோட்டையையொட்டி ஓர் ஊர் உண்டு. இவ்வூர் அக்காச்சியா எனும் பெயரால் அமைக்கப்பட்ட ஊராகும்.

அக்காச்சியா பெயரில் இப்படியான ஒரு வரலாறு எழுதப்பட்டுள்ளது.
அக்காச்சியா என்பவள் பல்லவராய இளவரசி. இவள் நார்த்தாமலை குன்றில் வாழ்ந்து வந்தாள். இவள்மீது அக்கல்ராஜன் எனும் விஜயநகரத்தைச் சேர்ந்த ஒருவன் காதல் கொண்டான். அவனிடமிருந்து தப்பித்து கச்சிரன் எனும் வீரனுடன் தலைமறைவான இடம்தான் இன்று அக்காச்சியாபட்டி என்றாகியிருக்கிறது.

ஊர் பெயர் ஓரளவு அப்படியாகவே உள்ளது. ஆனால் குளத்தின் பெயர் முழுவதுமாக குலைந்து அக்சா என்றாகிவிட்டது.

ஊர்ப் பெயர் அந்த ஊரார்களைத் தாண்டி எல்லாராலும் அழைக்கப்படுகிறது. ஆகவே ஊர்ப்பெயர் திரும்பத் திரும்ப உச்சரிக்கப்படுவதால் அதே பெயரில் இன்றும் பெயர் விளங்கி நிற்கிறது. ஆனால் குளம் அப்படியன்று. குளம் ஒரு குறிப்பிட்ட சமூகத்தினர், அப்பகுதி மக்களால் மட்டும் உச்சரிக்கப்படுவதால் காலப்போக்கில் அதன் உண்மையான பெயர் குன்றி மறையத்தொடங்குகிறது.

ஆகவே எந்த ஒரு பெயரும் நிலைத்து நிற்க அப்பெயர் பொதுமக்களின் பயன்பாட்டு பெயராக மாற வேண்டும்.

அக்காச்சியா- அக்கச்சியா- அக்சா. 

நன்றி - இப்பகுதியைச் சுற்றிக்காட்டிய புதுகை பாலச்சந்திரன் மற்றும் மரம் ராஜா.





எனது சமீப நூல்
தொடர்புக்கு - 9585657108

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

புதுக்கோட்டையின் முதல் வங்கி @ அண்டனூர் சுரா

-
படம்
புதுக்கோட்டை கீழராஜ வீதியில் புதுக்கோட்டை கூட்டுறவு நகர வங்கி எனும் பெயரில் ஒரு வங்கி இயங்குகிறது. இந்த வங்கி நகர வங்கி (TOWN BANK)எனும் பெயரால் தொடங்கப்பட்டது.  இந்த வங்கியே புதுக்கோட்டையின் முதல் வங்கியாகும் . பிரிட்டிஷ் இந்திய சட்டம் -10/1904 இன்படி முக்கிய நகரங்களில் கூட்டுறவு வங்கி தொடங்க அனுமதியளித்தது.  இச்சட்டத்தை ஏற்று புதுக்கோட்டை சமஸ்தானம்  1908 ஆம் ஆண்டு கூட்டுறவு சங்கம் அமைத்தது. இதன்படி முதல் கூட்டுறவு சங்கம்  கரம்பக்குடியில் தொடங்கப்பட்டது. அடுத்து 1909 ஆம் ஆண்டு ஆலங்குடியிலும் அதே ஆண்டு புதுக்கோட்டை நகரில் பிரகதம்பாள் பெயரில் ஒரு கூட்டுறவு சங்கமும் தொடங்கப்பட்டன .  இந்த சங்கங்களின் வரவு செலவுக்காக தொடங்கப்பட்ட  வங்கி இது, நகர வங்கி (TOWN BANK). மே, 1910 ஆம் ஆண்டு தொடங்கப்பட்ட இந்த வங்கி 1921 ஆம் ஆண்டு வரை வாடகை கட்டடத்தில் இயங்கியது. பிறகு கிழக்கு இரண்டாம் வீதியில் சொந்த கட்டடத்திற்கு மாறியது . 1925 ஆம் ஆண்டு கீழ ராஜ வீதிக்கு அதாவது நேர் முன்புறம் மாற்றப்பட்டது. இந்த வங்கி தற்போது மிக நீளமான கட்டடத்தைக் கொண்டிருக்கிறது. கீழராஜ வீதியிலிருந்...
மேலும் படிக்கவும்

புதுக்கோட்டை பேருந்து நிலையம் @ அண்டனூர் சுரா

-
படம்
  தமிழ்நாட்டிலுள்ள பேருந்து நிலையங்களில் நன்கு திட்டமிடப்பட்ட  பேருந்து நிலையமாக புதுக்கோட்டை பேருந்து நிலையம் திகழ்கிறது. காரணம் இந்த நிலையம் 'ப' வடிவிலும் பேருந்துகள் நெரிசலில்லாமல் எளிதாக உள்ளே நுழைந்து வெளியேறும்படியாகவும் உள்ளது. புதுக்கோட்டை நகராட்சிக்கென்று ஒரு பரந்த பேருந்து நிலையம் இல்லாத நிலை  இருந்தது. பழைய பஸ் ஸ்டாண்ட் என்று சொல்லப்படுகின்ற பழைய பேருந்து நிலையம் பேருந்து நிறுத்தம் (bus stop) என்கிற அளவிலேயே இருந்தது. மதுரை, சிவகங்கை, அறந்தாங்கி பேருந்துகள் வந்து திரும்ப அந்த நிறுத்தம் உகந்த இடமாகவும் திருச்சி, தஞ்சாவூர், மணப்பாறை பேருந்துகள் நகர வீதிகள் வழியே நுழைந்து அந்த இடத்திற்கு வந்தாக வேண்டிய நிலையும் இருந்தது. இதனால் போக்குவரத்து நெரிசல் ஏற்பட்டது. ஆகவே வேறொரு இடத்தில் விசாலமான பேருந்து நிலையம் அமைக்க திட்டமிடப்பட்டது. அதற்கான இடம் தேடுகையில் நகரத்திற்கு தென்மேற்கில் பரந்த நீர்நிலையைக் கொண்ட காட்டுப்புதுக்குளம் உகந்த இடமாக தேர்வு செய்யப்பட்டது.  மழைக்காலத்தில் பெரும் தெப்பமாகவும் கோடை காலத்தில் கால்நடைகளின் மேய்ச்சல் காடாகவும் இந்த இடம் இருந்தது....
மேலும் படிக்கவும்

டி.இ.எல்.சி (TELC)

-
படம்
புதுக்கோட்டை நகரவாசிகள் மட்டுமல்ல,  நகரத்தைச் சுற்றியுள்ள பலரும் எதோ ஒருவகையில் டிஇஎல்சி உடன் நெருக்கம் கொண்டிருக்கிறார்கள். இருபது வருடங்களுக்கு முன்பு கந்தர்வகோட்டை, கரம்பக்குடி, இலுப்பூர், கீரனூர் பகுதியைச் சேர்ந்த மாணவர்கள் புதுக்கோட்டை பள்ளியில் படிக்க விரும்பினால் அவர்களது முதல் தேர்வு டி இ எல் சி பள்ளியாகவே இருக்கும்.   டிஇஎல்சி என்பது என்ன? தமிழ் எவாஞ்சலிகல் லுத்தரன் சர்ச் என்பதன் சுருக்கமே டி.இ.எல்.சி. தற்போது இது 'தமிழ் சுவிசேஷ லுத்தரன் திருச்சபை' என்று அழைக்கப்படுகிறது. லுத்தரன் என்பது என்ன? கிறிஸ்தவ மதத்தில் மூடநம்பிக்கைகளும் பிற்போக்கான பரப்புரைகளும் அதிகமானதால் பதினாறாம் நூற்றாண்டில் மார்டின் லுதர் கிறித்தவ மதத்திற்குள் சீர்த்திருத்தத்தை புகுத்தினார். அவரது பரப்பரைக்கு ஆதரவு பெருகியது. அதேநேரம் கிறிஸ்தவ பழைமைவாதிகள் மார்டின் லுதரைப் பின்பற்றுபவர்களை லுத்தரன் என்று கேலி பெயரால் அழைத்தார்கள். அச்சொல்லைக்கொண்டு உருவான கிறிஸ்தவ மதத்தின் ஒரு பிரிவே எவாஞ்சலிகல் லுத்தரன். எவாஞ்சலிகல் என்கிற சொல் சுவிசேஷ என்றானது.  இதன் தமிழ்ப்பதம் நற்செய்தி! தரங்கம்பாடியில் அச்...
மேலும் படிக்கவும்