ராமச்சந்திரபுரம் அக்ரஹாரம் @அண்டனூர் சுரா

-

புதுக்கோட்டை மச்சுவாடி, ஜீவா நகர் தாண்டி நகரத்திற்குள் நுழைந்தால் இடது புறம் திரும்பும் குறுகலான வீதி ஒத்தத்தெரு.  இதற்கும் அடுத்த தெரு ராமச்சந்திரபுரம் அக்ரஹாரம்.


புதுக்கோட்டையில் அக்ரஹாரக் குடியிருப்புகள் நிறைய உள்ளன. இவற்றில் விஜயரகுநாதபுரம் அக்ரஹாரம்,  பிரசன்னா ரகுநாதபுரம் அக்ரஹாரம்,  ராமச்சந்திரபுரம் அக்ரஹாரம் ஆகியவை வரலாறுகளைக் கொண்டிருக்கின்றன.

புதுக்கோட்டை சமஸ்தான மன்னராக ராஜா ரகுநாத தொண்டைமான் பகதூர் அவர்கள் 1825 - 1839 இடைப்பட்ட காலத்தில் இருந்தார். இவருக்கும் முன்பு ஆட்சியிலிருந்தவர் ராஜா விஜயரகுநாத தொண்டைமான். இவர் வயோதிக்கத்தால் இறந்துவிட இவருக்கு ஆண் வாரிசு இல்லாமல் இவரது தம்பி ராஜா ரகுநாத தொண்டைமான் மன்னரானார். இவர் இறந்த அண்ணனின் பெயரை நிலைநிறுத்தும் பொருட்டு இறந்த மன்னரின் நினைவாக இரண்டு அக்ரஹாரங்கள் உருவாக்கினார். புதுக்கோட்டை நகருக்கும் கிழக்கே நான்கு மைல் தூரத்தில் ஒரே அளவுகள் கொண்ட இருபது வீடுகள் கட்டி அதற்கு விஜயரகுநாதபுரம் அக்ரஹாரம் என்று பெயர் சூட்டினார். பிறகு தனது பெயரும் காலத்தில் நிலைத்து நிற்கும்படியாக கடையக்குடி அக்ரஹாரத்திற்கும் எதிரே வெள்ளாற்றின் வடக்குக்கரையில் மற்றொரு அக்ரஹாரம் உருவாக்கி அதற்கு "பிரசன்னா ரகுநாதபுரம்' என்று பெயர்ச் சூட்டினார். இவர் 1839 ஆம் ஆண்டு இறந்துவிட, இவருக்குப் பிறகு ராமச்சந்திர தொண்டைமான் ஆட்சிக்கு வருகிறார். இவரது ஆட்சிக் காலம் 1839- 1886.

இவரது ஆட்சிக்காலத்தில்தான் திவானாக சேஷையா சாஸ்திரி நியமிக்கப்படுகிறார். இவர் புதுக்கோட்டையை திட்டமிட்ட நகராக மாற்றியமைக்கிறார்.  அவ்வாறு அமைக்கையில் பிருந்தாவனத்தையொட்டி திருமயம் கடியாப்பட்டி ராமச்சந்திரபுரத்தை முன் மாதிரியாகக் கொண்டு ஒரு தெருவை உருவாக்குகிறார்.

ராமச்சந்திரபுரம் குடியிருப்பு என்பது ஒரு வீதி ஒரு வீடாகக் கொண்டது. அதாவது இரண்டு வீதிகளுக்கு இடைப்பட்ட இடத்தில் முழுமையும் வீடுகள் அமைப்பது. அப்படியாக ஒரு தெரு அமைக்கப்பட்டு  அதற்கு  ராமச்சந்திரபுரம் அக்ரஹாரம் என்று  பெயர்ச்சூட்டப்பட்டது.

இந்த தெருவிற்குள் செல்வதற்கும் முன்பாக இத்தெருவிற்கும் பின்னாலிருக்கும் ஒத்தத்தெரு சென்றேன். ஒரு பக்கம் மட்டுமே வீடுகள் இருந்தன. இன்னொரு புறம் ஏன் வீடுகள் இல்லையென விசாரித்தேன்.  அடுத்தத்தெரு அக்ரஹாரம் என்று சொன்னார்கள். அக்ரஹாரம் தெருவில் சென்று பார்க்கையில் வீடுகள்  நீளமாக இருந்தன. பின்வாசலில் தோட்டம். தெருவின் உள்ளே சென்று வலது புறம் திரும்புகையில் பெருமாள் கோவில். எதிரே அழகான குளம். புதுக்கோட்டை குளங்களில் இந்த குளம் மட்டுமே சுத்தமாக இருக்கும் போலும். அழகாகவும் இருந்தது.  குளத்திற்கு அய்யர் குளம் என்று பெயர்ச்சூட்டியிருந்தார்கள்.  குளத்தில் வாத்துகள் நீந்திக்கொண்டிருந்தன. 

தெரு அழகாக , சுத்தமாக இருந்தது என்று சொல்வதைக் காட்டிலும் சுத்தமாக வைத்துக்கொள்கிறார்கள் என்று சொல்வதே சரியாக இருக்கும்.

இந்த ராமச்சந்திரபுரம் அக்ரஹாரம் தெருவைப் பார்ப்பவர்கள் ஒரு முறை கடியாப்பட்டி ராமச்சந்திரபுரம் சென்று அந்தக் குடியிருப்புகளை பார்த்து வருவது நல்லது. ராமச்சந்திரபுரம் என்பது குளமும் குடியிருப்புகளும் கொண்டது. அப்படியாகத்தான் புதுக்கோட்டை ராமச்சந்திரபுரம் அக்ரஹாரமும் இருக்கிறது. 







இந்தத் தெரு, குளத்தைச் சுற்றிக் காட்டிய எனது நண்பர்கள் புதுகை பாலச்சந்திரன் மற்றும் பாண்டியன் இருவருக்கும் நன்றிகள்!


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

சத்தியமூர்த்தி சாலையும் புதிய பேருந்து நிலையமும் @அண்டனூர் சுரா

-
படம்
  புதுக்கோட்டை புதிய பேருந்து நிலையத்திற்கு அடிக்கல் 26.04.1966 அன்று நாட்டப்பட்டது. அன்றைய உணவுத் துறை அமைச்சரும் புதுக்கோட்டைக்கு உட்பட்ட திருமயம் தொகுதி சட்டமன்ற உறுப்பினருமான திரு. வெ. இராமையா அவர்கள் அடிக்கல் நாட்டினார். இந்தச் செய்தி அடங்கிய கல்வெட்டு புதுக்கோட்டை பேருந்து நிலையத்தில் பொறிக்கப்பட்டுள்ளது. பிறகு புதிய பேருந்து நிலையம் 19.04.1981 அன்று கட்டித் திறக்கப்பட்டது. இந்தத் திறப்பு விழாவிற்கு அன்றைய உள்ளாட்சித் துறை அமைச்சர் மாண்புமிகு திரு.ப. குழந்தைவேலு அவர்கள் தலைமை வகிக்க, செய்தி, அறநிலையத் துறை அமைச்சர் திரு. இராம. வீரப்பன் அவர்கள் பேருந்து நிலையத்தைத் திறந்து வைத்தார். இவ்விழாவிற்கு பெருந்தொழிற்துறை அமைச்சர் திரு. எஸ். திருநாவுக்கரசு அவர்கள் முன்னிலை வகித்தார்கள். அப்பொழுது புதுக்கோட்டை மாவட்டத்தின் ஆட்சியராக இருந்தவர் திரு.எஸ்.டி காசிராஜன் அவர்கள். நகராட்சி ஆணையர் இரா.வேலு பி.ஏ. இக்கட்டடத்தின் பொறியாளர் திரு. கே. பாலசுப்பிரமணியன். தலைமைக் கொத்தனார் திரு.மு. பழனியப்பன். இந்தக் கல்வெட்டில் தலைமைக் கொத்தனாரின் பெயர் இடம் பெற்றிருப்பது குறிப்பிடத்தக்கது. இந்தப் பேரு...
மேலும் படிக்கவும்

பேரறிஞர் அண்ணா சிலை புதுக்கோட்டை கீழராஜ வீதியில் நிறுவப்பட காரணம் என்ன?

-
படம்
 @ அண்டனூர் சுரா அண்ணல் அம்பேத்கர், மகாத்மா காந்தியடிகள் இரு தலைவர்களுக்கு அடுத்ததாக தமிழ்நாட்டில் அதிகமான சிலை ஒருவருக்கு  நிறுவப்பட்டுள்ளது என்றால் அது பேரறிஞர் அண்ணாவிற்குத்தான். அண்ணா சிலை அண்ணல் அம்பேத்கர் சிலை அளவிற்குப் பரபரப்பும் பதட்டமும் கொண்டதல்ல.  ஒன்று குனிந்த தலை நிமிராமல் கையில் ஒரு புத்தகம் வைத்துக்கொண்டு படித்துக்கொண்டிருப்பார். இல்லையேல் ஏதேனும் ஒரு சதுக்கத்தில் அல்லது ஒரு வட்டமான போக்குவரத்து வழிச் சாலையின் மையத்தில்  ஏதேனும் ஒரு திசையை விரல்நீட்டியவராய் நின்றுகொண்டிருப்பார். அண்ணா சிலை என்பது இந்த இரண்டில் ஒன்றாகவே இருக்கும். புதுக்கோட்டையின் முதல் சிலை புதுக்கோட்டை பழைய பேருந்து நிலையம் தொடங்கி கீழ ராஜ வீதி வரை  அடுத்தடுத்து நிறைய சிலைகள் உள்ளன. புதுக்கோட்டையில் நிறுவப்பட்டுள்ள முதல் சிலை மன்னர் மார்த்தாண்ட பைரவர் தொண்டைமானுக்கு நிறுவப்பட்ட சிலையாகும். இச்சிலை நீதிமன்ற வளாகத்தின் முகப்பில் நிறுவப்பட்டுள்ளது. இச்சிலை குறித்து வேறொரு பதிவில் விரிவாக பார்ப்போம். இதே நீதிமன்ற வளாகத்திற்குள் மேலும் இரண்டு தலைவர்களின் சிலைகள் உள்ளன. ஒன்று தீரர் ச...
மேலும் படிக்கவும்

உலக நவீன நகரங்களில் ஒன்றாக புதுக்கோட்டை

-
படம்
 @அண்டனூர் சுரா வால்டர் ஹாமில்டன் எனும் நில வரையியல் ஆங்கிலேய ஆய்வாளர் பிரிட்டிஷார் தன் ஆளுகையின்கீழ் வைத்திருந்த அனைத்து நாடுகளுக்கும் சென்று அந்நாட்டிலுள்ள நகரங்களையும் அந்நாட்டு மக்கள் வாழ்நிலைகளையும் பதிவு செய்து இரு பெரும் தொகுதிகளாக நூல் வெளியிட்டார். இந்நூல் 1815 ஆம் ஆண்டு முதல் பதிப்பாகவும் 1828 ஆம் ஆண்டு இரண்டாம் பதிப்பாகவும் வெளிவந்தது. EAST – INDIA GAZETTEER CONTANING PARTICULAT DESCRIPTIONS OF THE EMPIRES, KINGDOM, PRICIPALITIES, PROVINCES, CITES, TOWNS, DISTRICTS, FORTRESSES, HARBOURS, RIVERS , LAKES & C, OF HINDOSTAN AND THE ADJACENT COUNTRIES INDIA BEYONR THE GANGES AND THE EASTERN ARCHIPELAGO ; TOCFTHER WITH SKETCHES OF THE MANNERS, CUSTOMS, INSTITUTIONS, AGRICULTURE, COMMERCE, MANUFACTURES, REVENUES, POPULATIONS, CASTES, RELIGION, HISTORY, & C OF THEIR VARIOUS INHABITANTS. இந்நூல் கிழக்கிந்திய கம்பெனியின்கீழ் இந்துஸ்தான் பரப்பிற்குள் இயங்கிய பேரரசுகள், அரசுகள், மன்னர்கள், மாகாணங்கள், பெருநகரங்கள், நகரங்கள், மாவட்டங்கள், கோட்டைகள், துறைமுகங்கள், ஆற...
மேலும் படிக்கவும்