ஒத்தத்தெரு @அண்டனூர் சுரா

-

கந்தர்வகோட்டை ஒன்றியம் நெப்புகை கிராமப் பஞ்சாயத்திற்குட்பட்டு ஒத்தவீடு என்றொரு குடியிருப்பு பகுதி உள்ளது. ஒரு காலத்தில் இக்குடியிருப்பு ஒத்த வீடாக இருந்ததால் அதற்கு அப்படியொரு பெயர். தற்போது பல வீடுகள் கொண்ட குடியிருப்பாக மாறிவிட்டது. இந்த ஒத்த வீட்டுடன் புதுக்கோட்டை ஒத்தத்தெருவை ஒப்பிட்டுப் பார்த்தேன். ஒத்தத்தெருவுக்கான பெயர்க்காரணம் வேறொன்றாக இருந்தது.

ஒத்தத்தெரு

புதுக்கோட்டை மச்சுவாடி, ஜீவா நகர் கடந்து நகரத்திற்குள் நுழைகையில் இடது பக்கம் செல்லும் குறுகிய தெருவுக்கு ஒத்தத்தெரு என்று பெயர். இத்தெருவுக்கும் அடுத்தத் தெரு ராமச்சந்திரபுரம் அக்ரஹாரம். இத்தெருவையொத்த தெருவாக இத்தெரு இருக்குமோ என்றும் தனி ஒரு தெரு என்பதால் ஒத்தத் தெரு என்று பெயரோ என்று நினைத்தேன். ஒத்தத் தெருவுக்குள் நுழைந்து சாலையின் இருபக்க குடியிருப்புகளையும் பார்க்கையில் புதுக்கோட்டை நகர வீதி, தெருக்களில் சற்றே மாறுபட்ட தெருவாக இத்தெரு இருந்தது. 

ஆமாம், இத்தெருவில் ஒரு பக்கம் மட்டுமே வீடுகள் உள்ளன. அதாவது முதன்மை சாலையிலிருந்து கிழக்கு மேற்காக செல்லும் சாலையில் சாலைக்கு வடபுறம் மட்டும் வீடுகள் உள்ளன. சாலைக்குத் தென்புறம் வீடுகள் இல்லை. தென்புறம் ராமச்சந்திரபுரம் அக்ரஹார வீடுகளின் பின்வாசலாகவும் அவ்வீடுகளுக்கான தோட்டமாகவும் உள்ளது. 

ஒரு பக்கம் மட்டும் குடியிருப்புகள் கொண்ட தெரு என்பதால் இதற்கு ஒத்தத் தெரு என்று பெயர். மிகக் குறுகலான, நீளம் குறைவாகக் கொண்ட தெரு இது. 

இப்படியான தெரு புதுக்கோட்டையில் வேறெங்கும் இருக்க வாய்ப்பில்லை. திருமயம் கடியாப்பட்டி ராமச்சந்திரபுரத்தில் இப்படியான தெரு உள்ளது.






கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

சத்தியமூர்த்தி சாலையும் புதிய பேருந்து நிலையமும் @அண்டனூர் சுரா

-
படம்
  புதுக்கோட்டை புதிய பேருந்து நிலையத்திற்கு அடிக்கல் 26.04.1966 அன்று நாட்டப்பட்டது. அன்றைய உணவுத் துறை அமைச்சரும் புதுக்கோட்டைக்கு உட்பட்ட திருமயம் தொகுதி சட்டமன்ற உறுப்பினருமான திரு. வெ. இராமையா அவர்கள் அடிக்கல் நாட்டினார். இந்தச் செய்தி அடங்கிய கல்வெட்டு புதுக்கோட்டை பேருந்து நிலையத்தில் பொறிக்கப்பட்டுள்ளது. பிறகு புதிய பேருந்து நிலையம் 19.04.1981 அன்று கட்டித் திறக்கப்பட்டது. இந்தத் திறப்பு விழாவிற்கு அன்றைய உள்ளாட்சித் துறை அமைச்சர் மாண்புமிகு திரு.ப. குழந்தைவேலு அவர்கள் தலைமை வகிக்க, செய்தி, அறநிலையத் துறை அமைச்சர் திரு. இராம. வீரப்பன் அவர்கள் பேருந்து நிலையத்தைத் திறந்து வைத்தார். இவ்விழாவிற்கு பெருந்தொழிற்துறை அமைச்சர் திரு. எஸ். திருநாவுக்கரசு அவர்கள் முன்னிலை வகித்தார்கள். அப்பொழுது புதுக்கோட்டை மாவட்டத்தின் ஆட்சியராக இருந்தவர் திரு.எஸ்.டி காசிராஜன் அவர்கள். நகராட்சி ஆணையர் இரா.வேலு பி.ஏ. இக்கட்டடத்தின் பொறியாளர் திரு. கே. பாலசுப்பிரமணியன். தலைமைக் கொத்தனார் திரு.மு. பழனியப்பன். இந்தக் கல்வெட்டில் தலைமைக் கொத்தனாரின் பெயர் இடம் பெற்றிருப்பது குறிப்பிடத்தக்கது. இந்தப் பேரு...
மேலும் படிக்கவும்

பேரறிஞர் அண்ணா சிலை புதுக்கோட்டை கீழராஜ வீதியில் நிறுவப்பட காரணம் என்ன?

-
படம்
 @ அண்டனூர் சுரா அண்ணல் அம்பேத்கர், மகாத்மா காந்தியடிகள் இரு தலைவர்களுக்கு அடுத்ததாக தமிழ்நாட்டில் அதிகமான சிலை ஒருவருக்கு  நிறுவப்பட்டுள்ளது என்றால் அது பேரறிஞர் அண்ணாவிற்குத்தான். அண்ணா சிலை அண்ணல் அம்பேத்கர் சிலை அளவிற்குப் பரபரப்பும் பதட்டமும் கொண்டதல்ல.  ஒன்று குனிந்த தலை நிமிராமல் கையில் ஒரு புத்தகம் வைத்துக்கொண்டு படித்துக்கொண்டிருப்பார். இல்லையேல் ஏதேனும் ஒரு சதுக்கத்தில் அல்லது ஒரு வட்டமான போக்குவரத்து வழிச் சாலையின் மையத்தில்  ஏதேனும் ஒரு திசையை விரல்நீட்டியவராய் நின்றுகொண்டிருப்பார். அண்ணா சிலை என்பது இந்த இரண்டில் ஒன்றாகவே இருக்கும். புதுக்கோட்டையின் முதல் சிலை புதுக்கோட்டை பழைய பேருந்து நிலையம் தொடங்கி கீழ ராஜ வீதி வரை  அடுத்தடுத்து நிறைய சிலைகள் உள்ளன. புதுக்கோட்டையில் நிறுவப்பட்டுள்ள முதல் சிலை மன்னர் மார்த்தாண்ட பைரவர் தொண்டைமானுக்கு நிறுவப்பட்ட சிலையாகும். இச்சிலை நீதிமன்ற வளாகத்தின் முகப்பில் நிறுவப்பட்டுள்ளது. இச்சிலை குறித்து வேறொரு பதிவில் விரிவாக பார்ப்போம். இதே நீதிமன்ற வளாகத்திற்குள் மேலும் இரண்டு தலைவர்களின் சிலைகள் உள்ளன. ஒன்று தீரர் ச...
மேலும் படிக்கவும்

உலக நவீன நகரங்களில் ஒன்றாக புதுக்கோட்டை

-
படம்
 @அண்டனூர் சுரா வால்டர் ஹாமில்டன் எனும் நில வரையியல் ஆங்கிலேய ஆய்வாளர் பிரிட்டிஷார் தன் ஆளுகையின்கீழ் வைத்திருந்த அனைத்து நாடுகளுக்கும் சென்று அந்நாட்டிலுள்ள நகரங்களையும் அந்நாட்டு மக்கள் வாழ்நிலைகளையும் பதிவு செய்து இரு பெரும் தொகுதிகளாக நூல் வெளியிட்டார். இந்நூல் 1815 ஆம் ஆண்டு முதல் பதிப்பாகவும் 1828 ஆம் ஆண்டு இரண்டாம் பதிப்பாகவும் வெளிவந்தது. EAST – INDIA GAZETTEER CONTANING PARTICULAT DESCRIPTIONS OF THE EMPIRES, KINGDOM, PRICIPALITIES, PROVINCES, CITES, TOWNS, DISTRICTS, FORTRESSES, HARBOURS, RIVERS , LAKES & C, OF HINDOSTAN AND THE ADJACENT COUNTRIES INDIA BEYONR THE GANGES AND THE EASTERN ARCHIPELAGO ; TOCFTHER WITH SKETCHES OF THE MANNERS, CUSTOMS, INSTITUTIONS, AGRICULTURE, COMMERCE, MANUFACTURES, REVENUES, POPULATIONS, CASTES, RELIGION, HISTORY, & C OF THEIR VARIOUS INHABITANTS. இந்நூல் கிழக்கிந்திய கம்பெனியின்கீழ் இந்துஸ்தான் பரப்பிற்குள் இயங்கிய பேரரசுகள், அரசுகள், மன்னர்கள், மாகாணங்கள், பெருநகரங்கள், நகரங்கள், மாவட்டங்கள், கோட்டைகள், துறைமுகங்கள், ஆற...
மேலும் படிக்கவும்